მინსკიდან თბილისის მიმართულებით მოძრავი თვითმფრინავის ბორტზე მგზავრებმა იჩხუბეს.
შემთხვევა გუშინ, 16 ივნისს მოხდა.
გავრცელებულ ვიდეოში ჩანს, რომ მგზავრები ერთმანეთს ჯერ სიტყვიერად, შემდეგ კი ფიზიკურად დაუპირისპირდნენ.
ბორტგამცილებლები და პილოტი მგზავრებს სიმშვიდისკენ მოუწოდებდნენ.
გავრცელებული ინფორმაციით, ჩხუბში საქართველოს მოქალაქეები არ მონაწილეობდნენ.
საქართველოს შინაგან საქმეთა სამინისტრომ, მომხდართან დაკავშირებით გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულისხმობს. გამოკითხულია ინციდენტში მონაწილე ორივე მხარე.
