"მთავარი არხის" წამყვანი გიორგი გაბუნია მაყურებელს ეკრანიდან დაემშვიდობა. მან ამის შესახებ გადაცემა Post Factum-ში ეპიზოდის დასრულებისას განაცხადა.
გაბუნიას თქმით, ის მაყურებელს ახალი წლიდან აღარ შეხვდება.
„ეს იყო ამ წლის ბოლო Post Factum და ბოლო სიუჟეტი, თუმცა გადაცემა ჯერ მაინც არ დასრულებულა, რამდენიმე წუთში რეკლამის შემდეგ თქვენ ნახავთ, წლის საუკეთესო სიუჟეტებს იმ ადამიანების შესახებ, ვინც გვასახელა 2021 -ში, შემდეგ იმ დიდ ადამიანებზე, რომლებიც დავკარგეთ 2021 წელს. ამ სიუჟეტებს თქვენ უკვე, ჩემს გარეშე ნახავთ მე შესაბამისად, აქვე გისურვებთ ბედნიერ დღესასწაულებს და გემშვიდობებით, ჩვენ ერთმანეთს აღარ შევხვდებით. კარგად იყავით!„ - განაცხადა გიორგი გაბუნიამ და მაყურებელს დაემშვიდობა.
