ვაქცინა არის უსაფრთხო და ეფექტური ორსულობის ნებისმიერ ვადაზე, - ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
"საქართველოში ორსულთა ვაქცინაცია მიმდინარეობს Pfizer-BioNTech-ით. მნიშვნელოვანია ვაქცინაციის კურსი დასრულდეს ორსულობის მესამე ტრიმესტრამდე ან მშობიარობამდე, რადგან ამ პერიოდში COVID-19-ის გართულებების განვითარების რისკი არის ყველაზე მაღალი.
COVID-19-ის ვაქცინის ერთი დოზა გიცავთ ინფექციისგან, მაგრამ სრულყოფილი დაცვისათვის აუცილებელია ვაქცინის 2 დოზა", - აცხადებენ NCDC-ში.
