შაბათს დამირეკა სასოწარკვეთილმა მშობელმა. ბავშვის დამძიმებული ჯანმრთელობის მდგომარეობის გამო რეანიმობილს მთხოვდა, კონკრეტულად კი, შვილის ანტალიამდე ჩაყვანას - ამის შესახებ სოციალურ ქსელში ტელეწამყვანი ნანუკა ჟორჟოლიანი წერს.
"დავურეკეთ თურქეთის კლინიკას, შევთანხმდით დეტალებზე და სწორედ თქვენს მიერ ჩარიცხული თანხა გადავრიცხეთ ანტალიის კლინიკაში და ბავშვი უკვე გუშინ ღამით გავამგზავრეთ. მადლობა ყველას, ვინც ჩართული იყო მთელი შაბათი კვირა ამ ამბავში" - წერს ჟორჟოლიანი და ბავშვის ტრანსპორტირებისას გადაღებულ ვიდეომასალას აქვეყნებს.
