ცოტა ხნის წინ ავარია მოხდა თბილისში. მშრალი ხიდის მიმდებარე ტერიტორიაზე ერთმანეთს ორი მსუბუქი ავტომობილი შეეჯახა, რასაც მსხვერპლი მოჰყვა.
როგორც report.ge-ს შინაგან საქმეთა სამინისტროში განუცხადეს, ავარიის შედეგად გარდაცვლილია ,,ტოიოტას" მარკის ავტომობილის მგზავრი, მძღოლი კი დაზიანებებით საავადმყოფოშია გადაყვანილი.
მათივე ინფორმაციით, შემხვედრი მიმართულებით მოძრავი ,,ჰონდას" მარკის ავტომანქანა ავარიის დროს გადავარდა გზის სავალი ნაწილიდან და შეეჯახა ბორდიურს, რის შედეგადაც დაშავდა მძღოლი. უწყების პრესსამსახურის ცნობით, ნამსხვრევებმა კიდევ ერთი, ,,ტოიოტას" მარკის ავტომობილი დააზიანა.
მომხდარზე გამოძიება სსკ-ის 276-ე მუხლის მეექვსე ნაწილით დაიწყო.
ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
შორენა სურმანიძე
ავტორი