ბოჭორიშვილის კლინიკაში კორონავირუსი კიდევ 3 პაციენტს დაუდასტურდა, მათგან ერთი 6 წლის ბავშვია, - ამის შესახებ ჟურნალისტებს კლინიკის სამეთვალყურეო საბჭოს თავმჯდომარემ, მაკა სოლოღაშვილმა განუცხადა.
,,სამიდან ერთი არასრულწლოვანია. დედა- შვილმა თურქეთის საზღვარი რამდენიმე დღის წინ გადმოკვეთა. მათი ჯანმრთელობის მდგომარეობა დამაკმაყოფილებელია",- განაცხადა მაკა სოლოღაშვილმა.
მისივე თქმით, კიდევ ერთი დადასტურებული შემთხვევა ეროვნული ბანკის კლასტერს უკავშირდება და ის ახალგაზრდა კაცია.
ბოჭორიშვილის კლინიკაში ამ დროისათვის 51 პაციენტი მკურნალობს, 16-ს კორონავირუსი აქვს დადასტურებული, მათგან 7 არასრულწლოვანია.
ამ დროისათვის, საქართველოში კორონავირუსის 227 შემთხვევაა დადატურებული.