2 შემთხვევაზე მიმდინარეობს კვლევა, აქ არის კრიტერიუმები იყო თუ არა მეორე აცრიდან 14 დღე და ა.შ. ეს ყოველივე გამოქვეყნდება არაფერი დასამალი არ არის“, - განაცხადა ამირან გამყრელიძემ ორი ადამიანის გარდაცვალების შემთხვევაზე კომენტირებისას.
დაავადებათა კონტროლის ეროვნული ცენტრის დირექტორი ხელმძღვანელი ამირან გამყრელიძე აცხადებს, სხვადასხვა კრიტერიუმებით უნდა შეფასდეს გარდაცვალების მიზეზის დადგენა.
„ერთჯერადად აცრილებში გვაქვს 0,8% ინფიცირების მაჩვენებელი და ორჯერადად აცრილებში 0,3% გვაქვს. გიდასტურებთ, რომ ერთჯერადად აცრილებში დღემდე კოვიდით გარდაცვალების 12 შემთხვევაა. არც ერთი შემთხვევა არ გვქონდა ივლისის 5 რიცხვამდე ორჯერადად აცრილებში, მიმდინარეობს კვლევა, იყო თუ არა ეს დაკავშირებული 2 შემთხვევასთან.
გიდასტურებთ რომ, ჯერ არ არის საბოლოო დასკვნა, დადასტურებული იყო თუ არა ეს ორჯერადად აცრილ ადამიანზე. 2 შემთხვევაზე მიმდინარეობს კვლევა, აქ არის კრიტერიუმები იყო თუ არა მეორე აცრიდან 14 დღე და ა.შ. ეს ყოველივე გამოქვეყნდება არაფერი დასამალი არ არის“, - განაცხადა ამირან გამყრელიძემ.
ბოლო 24 საათში საქართველოში კორონავირუსის 2616 ახალი შემთხვევა დადასტურდა.
