გარდაცვლილი თამარ ბაჩალიაშვილის მეგობრის, დეა კაპანაძის თქმით, გაუჩინარებამდე ცოტახნით ადრე, თამარი ოჯახს დაემუქრა.
მისი თქმით, თამარმა დედ-მამას უთხრა რომ ერთხელაც უკვალოდ გაუჩინარდებოდა.
"პირველ დღეს, როდესაც თამარს ვეძებდით, ჯუმბერი ამბობდა ერთი ის ვიცი, რომ თამარი გვეუბნებოდა - "წავალ და ვეღარ მიპოვითო", მან ხმამაღლა დააფიქსირა ეს სიტყვები, ძალიან კარგად მახსოვს," - ამბობს დეა კაპანაძე.
ცნობისთვის, დეა კაპანაძე ასევე ამბობს, რომ ოჯახის ბრალდება, თითქოს მან რაღაც იცის და გამოძიებას უმალავს, სიმართლე არ არის. მისივე თქმით, წლების წინ, თამარმა მას გაუმხილა, რომ წარსულში სუიციდის მცდელობა ჰქონდა.
