დედოფლისწყაროში 11 და 14 წლის მოზარდებს ეძებენ. ბავშვები სახლიდან გუშინ გავიდნენ და უკან ამ დრომდე არ დაბრუნებულან. გავრცელებული ინფორმაციით, ერთ-ერთმა მოზარდმა, მეორეს თბილისში, ბიძასთან გაყოლა სთხოვა, თუმცა ისინი ადგილზე არ ჩასულან. ბავშვების დაკარგვის შესახებ ინფორმირებულია პოლიცია. არასწრულწლოვნები მეზობლები არიან.
როგორც დედოფლისწყაროს მერმა, ნიკოლოზ ჯანიაშვილმა report.ge-ს განუცხადა, პირველი შემთხვევა არ არის, როდესაც ბავშვები სახლიდან მარტო წავიდნენ. შესაბამისად, მოლოდინი არსებობს, რომ მათ მალე იპოვნიან.
,,შინაგან საქმეთა სამინისტრო გამოძიებას აწარმოებს და ეძებს ამ ბავშვებს. მე რამდენადაც მაქვს ინფორმაცია ეს ბავშვები ხშირად დადიოდნენ, ხან სად, ხან სად, ამიტომ მოლოდინი გვაქვს, რომ ძალიან მალე იპოვიან მათ და უვნებლად დაუბრუნდებიან ოჯახებს", - განაცხადა დედოფლისწყაროს მერმა.
სალომე კაპანაძე
ავტორი