დეკანოზი თამაზ ლომიძე, რომელიც მიუნხენის წმ. ვახტანგ გორგასლის სახელობის ქართული მართლმადიდებლური ეკლესიის წინამძღვარია, სოციალურ ქსელში კორონავირუსთან დაკავშირებით წერს.
მისი დაკვირვებით, ადამიანებს, რომლებსაც ბევრად დაუჯერებელი შეთქმულების თეორიებისა თუ სხვა მოარული ამბების სჯერათ, უჭირთ დაიჯერონ კორონავირუსის არსებობა.
"ამოუხსნელი ფენომენია: იმავე ხალხს, ვისაც სჯერა ეშმაკების ID ბარათებში, 5G ანტენებით ხალხის დამონების, დაჩიპვის და ამგვარი ”ეშმაკობების”, არაფრით არ სჯერა კორონავირუსის არსებობის, რომელმაც უკვე რეალურად მილიონზე მეტი ადამიანის გარდაცვალება გამოიწვია მსოფლიოში", - წერს დეკანოზი თამაზი.
