საპროტესტო პერფორმანსი საქართველოს პარლამენტში - სხდომათა დარბაზში დეპუტატებს აქტივისტებმა ფურცლები თავზე დააყარეს, რომელზეც ეწერა - "რა ხდება ნინოწმინდის პანსიონში?".
"დღემდე ბავშვები იქ არიან ჩაკეტილები და თქვენ სხედხართ უსაქმურად", - მიმართა ახალგაზრდამ დეპუტატებს.
"ახალგაზრდა ლეიბორისტების" აქტივისტები დაცვამ დარბაზიდან გაიყვანა.
აქცია-პერფორმანსის ამსახველ ფოტოებს სოციალურ ქსელში დეპუტატი ტარიელ ნაკაიძე ავრცელებს და წერს, რომ პროტესტის სულისკვეთებას იზიარებს.