დღეს საქართველოს მოქალაქეების დასაბრუნებლად ლონდონი-თბილისის ჩარტერული რეისი შესრულდება. ამის შესახებ ინფორმაციას საგარეო საქმეთა სამინისტრო ავრცელებს.
უწყების ცნობით, სამშობლოში უცხოეთიდან საქართველოს 120 მოქალაქე დაბრუნდება.
მათ შორის არიან: სტუდენტები, ხანდაზმული პირები, განსაკუთრებული საჭიროებების მქონე მოქალაქეები და ტრანზიტული მგზავრები.
12 მაისის მონაცემებით, საქართველოს დიპლომატიურმა წარმომადგენლობებმა ადგილზე დახმარება აღმოუჩინეს 19 965 მოქალაქეს, ხოლო სამშობლოში – მთავრობის ხელშეწყობით – ორგანიზებულად დაბრუნდა 10 698 მოქალაქე.
საგარეო უწყების ცნობით, ახლო მომავალში, დაგეგმილია შემდეგი ფრენები:
15 მაისი – ამსტერდამი-თბილისი
18 მაისი – ლარნაკა-თბილისი
20 მაისი – ათენი-თბილისი
22 მაისი – რომი-თბილისი.
