შინაგან საქმეთა სამინისტრომ ძაღლების დახოცვის ფაქტზე გამოძიება დაიწყო. თბილისში, 3 დღის წინ დაკარგული ძაღლები, დიღომში, ტყვიით დახოცილები იპოვეს. ფოტო სოციალურ ქსელში გავრცელდა, რომელსაც შემდეგი მინაწერი ახლავს:
"3 დღის დაკარგული მიკედლებული ცუგები ტყვიით დახოცილები იპოვა! ადგილზე იმყოფებიან ექსპერტ-კრიმინალისტები.
გთხოვთ ყველას, დაგვეხმარეთ რომ ეს ბოროტება არ შერჩეს მის ჩამდენს. ნებისმიერ ინფორმაციას ვიღებთ პმ. მადლობა წინასწარ" - წერია ძაღლების უფლებებზე მომუშავე ორგანიზაციის ვებგვერდზე - "საინფორმაციო გვერდი "მატილდა" მიკედლებული ცხოველები საქართველოში".
შინაგან საქმეთა სამინისტრომ გამოძიება სისხლის სამართლის კოდექსის 259 - ე მუხლის პირველი ნაწილით დაიწყო, რაც ცხოველის წამებას ან მისდამი სასტიკ მოპყრობას გულისხმობს, რომელმაც მისი დაღუპა ან დასახიჩრება გამოიწვია.
