ალერგოლოგ იმუნოლოგი ბიძინა კულუმბეგოვი ფიქრობს, რომ ვაქცინის შემოტანის შესაძლებლობა კერძო სექტორსაც უნდა ჰქონდეს და მსურველებმა საკუთარი სახსრებით შეძლონ აცრა, ხოლო სახელმწიფო დაფინანსებით შეძენილი ვაქცინით მოწყვლადმა ჯგუფებმა ისარგებლონ.
"ჩვენ ჯობია, მიზანმიმართულად შეჭირვებულ მოწყვლად ჯგუფებს ვუყიდოთ ეს ვაქცინა და დანარჩენ სეგმენტში კომერციულ სექტორს უნდა მივცეთ აღიარებული, ავტორიტეტული, ჩვენი ქვეყნის მიერ დამოწმებული ვაქცინების ხელმისაწვდომობა, ფასიანი კომერციული გზით. თუ ამას ბიზნესი და სახელმწიფო ერთად არ გააკეთებს, ძალიან ბუნდოვნად ვუყურებ დასახული მიზნის შესრულებას" - განაცხადა ბიძინა კულუმბეგოვმა.
