ლანჩხუთის მუნიციპალიტეტში ძლიერმა წვიმამ პრობლემები შექმნა.
წვიმის შედეგად დაიტბორა საცხოვრებელი სახლები და საკარმიდამო ნაკვეთები. სტიქიამ დააზიანა ხიდები და შიდა გზები.
დღის განმავლობაში ელექტროენერგია არ მიეწოდებოდა 7 ადმინისტრაციულ ერთეულს.
ამ დროისთვის გზის ყველა მონაკვეთი გაწმენდილია და აღდგენილია მოძრაობა. ელექტროენერგიის მიწოდება ყველა სოფელში აღდგა.
სტიქიის შედეგად მიყენებულ ზარალს შესაბამისი კომისია დაითვლის.