დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილის, პაატა იმნაძის განცხადებით, აქამდე არსებული ყველა კლასტერი შესწავლილია და კიდევ მიმდინარეობს შესწავლა.
„ყველამ თავის საქმეს მიხედოს. ყველა კლასტერი შესწავლილია. ჩემთვის სულ ერთია, რესტორანში იქნებოდა კლასტერი, ქელეხში თუ ოჯახში. ყველას ვსწავლობთ“, - ასე უპასუხა პაატა იმნაძემ კითხვას ე.წ. რომანოვების კლასტერით ინფიცირებულთა შესახებ - არის თუ არა ბოლომდე შესწავლილი აღნიშნული კლასტერი.
ბოლო მონაცემებით, საქართველოში ახალი კორონავირუსით ინფიცირების 67 შემთხვევაა დადასტურებული.აქედან 9 უკვე გამოჯანმრთელდა. 8 პაციენტმა კლინიკა დატოვა. მეცხრე გამოჯანმრთელებული პაციენტი, სავარაუდოდ, საავადმყოფოს დღეს დატოვებს.
