ქართველი საოპერო მომღერალი ნინო მაჩაიძე გოგონას დედა გახდა. 35 წლის მომღერალს მეორე შვილი შეეძინა. ამის შესახებ იგი თავად წერს სოციალურ ქსელში და ახალშობილის ფოტოსაც აქვეყნებს.
"ბავშვობაში თამაშისას, თავს ყოველსთვის 2 შვილის - გოგონასა და ბიჭის დედად წარმოვიდგენდი. ეს ჩემი უდიდესი ოცნება იყო და ახლა უკვე ჩემი გოგონაც აქაა, ჩემს მკლავებში, მისი უფროსი ძმა კი მის გვერდითაა და ეფერება მას. ვუყურებ მათ და ვფიქრობ, რა საოცარია მათი დედობა. ჩვენ უკვე ოთხნი ვართ. მთელი გულით გვიყვარს ჩვენი პატარა გოგონა, ელენა. ჩვენი გულები უდიდესი ბედნიერებითა და მადლიერებითაა სავსე. კეთილი იყოს შენი მობრძანება ამ სამყაროში, ჩემო პატარა გოგონა, ძალიან გვიყვარხარ ჩვენო მზის სხივო, შენ ჩვენი სინათლე ხარ, დედიკო გიჟდება შენზე", - წერს ნინო მაჩაიძე.
ნონო მაჩაიძე იტალიელ მომღერალზე გვიდო ლოკონსოლოზეა დაქორწინებული. წყვილი მილანში ცხოვრობს. მათ ელენას გარდა, ერთი ვაჟი, ალესანდრო ჰყავთ.