საქართველოს მთავრობა ფიქრის, მოსაზრების ქონის, აზრის გამოხატვის, წერის, დისკუსიის თავისუფლებები ეს ის თავისუფლებებია, რომლებიც უკეთესი, ევროპული მომავლის ვაგონს უნდა აგორავებდნენ. მე, საგარეოდან გაშვებულიც მშვენივრად განვაგრძობ ფიქრსაც, განსხვავებული მოსაზრების გამოხატვასაც და ამ ნაფიქრალის წერასაც, - ამის შესახებ დიდ ბრიტანეთში ბრიტანეთში საქართველოს საელჩოს ყოფილი თანამშრომელი გიორგი პანიაშვილი სოციალურ ქსელში წერს.
როგორც პანიაშვილი აღნიშნავს, ასეთი თავდასხმები, საქართველოს ევროპული მომავლისგან და ევროპული საქმისგან აშორებს.
"დავით ზალკალიანი, Sophiko Katsarava, საქართველოს მთავრობა - ფიქრის, მოსაზრების ქონის, აზრის გამოხატვის, წერის, დისკუსიის თავისუფლებები ეს ის თავისუფლებებია, რომლებიც უკეთესი, ევროპული მომავლის ვაგონს უნდა აგორავებდნენ. ამ თავისუფლებების მოვლა და გაფრთხილება ევროპული საქმის განუყოფელი ნაწილია. ეს თავისუფლებები არ უნდა გახდეს სისტემური თავდასხმების საგანი მით უმეტეს ისეთი უწყების მხრიდან, როგორიც საგარეო საქმეთა სამინისტროა, მით უმეტეს არ უნდა გახდეს ადმინისტრაციული წარმოების/შევიწროების, დისკრიმინაციისა და რეორგანიზაციის ჩატარების საფუძველი. ასეთი "პატარა" თავდასხმები ამ ყველაფერზე, მხოლოდ კიდევ უფრო დააცილებს საქართველოს ევროპული საქმისგან და ევროპული მომავლისგან. მე, საგარეოდან გაშვებულიც მშვენივრად განვაგრძობ ფიქრსაც, განსხვავებული მოსაზრების გამოხატვასაც და ამ ნაფიქრალის წერასაც", - წერს გიორგი პანიაშვილი.
