თელავში, ერეკლე მეფის მოედანზე, მსუბუქ ავტომობილს ცეცხლი გაუჩნდა. შემთხვევის შესახებ Report.ge-ს ფაქტის თვითმხილველმა აცნობა.
"შემთხვევა ქალაქის ცენტრში, მოედანზე მოხდა. მანქანა იყო გაჩერებული კორპუსის წინ. აქვე კლინიკა და სავაჭრო ცენტრია. გაჩერებულ მანქანას ცეცხლი მოეკიდა. როგორც ამბობენ მანქანა გაზზეა. სპეციალისტები გვირჩევენ, შემთხვევის ადგილს მოვერიდოთ და მანქანებიც მოვარიდოთ. მანდ აფეთქება რომ მომხდარიყო ამოწყდებოდა ხალხი", - განუცხადა report.ge-ს თვითმხილველმა.
საგანგებო სიტუაციების მართვის სამსახურში აცხადებენ, რომ შემთხვევის ადგილზე ერთი ჯგუფი მუშაობდა, ხანძრის შედეგად არავინ დაშავებულა.
სალომე კაპანაძე
ავტორი