თბილისში ევროპული სკოლის კომპლექსის მშენებლობა იწყება. ლისის ტბის მიმდებარე ტერიტორიაზე, სკოლის მშენებლობის ადგილას, სიმბოლური კაფსულა დღეს საქართველოს პარლამენტის თავმჯდომარემ, არჩილ თალაკვაძემ, ევროკომისარმა ევროპული სამეზობლო პოლიტიკისა და გაფართოების საკითხებში, იოჰანეს ჰანმა, პრემიერმინისტრმა გიორგი გახარიამ, განათლების მინისტრმა, მიხეილ ბატიაშვილმა და თბილისის მერმა, კახი კალაძემ ჩადეს.
ევროპულ სკოლას რეგიონში ანალოგი არ ეყოლება და იგი ევროკავშირის ფარგლებს გარეთ პირველ პრეცენდენტს წარმოადგენს.
სკოლა სრულფასოვნად ფუნქციონირებას 2023 წლის სექტემბერში დაიწყებს და საქართველო-ევროკავშირის თანამშრომლობის საუკეთესო მაგალითი იქნება.
შორენა სურმანიძე
ავტორი