ფშავში მცხოვრებმა ბელა უძილაურმა ქართული მულტფილმი ,,თოვლის გუნდა", საკუთარ ეზოში გააცოცხლა.
როგორც ბელა ამბობს, თოვლი შთაგონების წყარო იყო, საკუთარი ხელით შეექმნა მისი ბავშვობის საყვარელი მულტფილმის პერსონაჟი.
,,ორი დღე შუქი არ იყო ფშავში, წლებია ამხელა თოვლიც არ მოსულა. ბავშვობის შეგრძნებები დამიბრუნდა, გრძელი, მშვიდი ზამთრის ღამეები. თოვლის ფიგურებს ორი დღის განმავლობაში ვაკეთებდი. ბავშვობაში ძალიან მიყვარდა მულტფილმი ,,თოვლის გუნდა", სწორედ ამიტომ, ბავშვობის სიყვარულს, გულიდან ეზოშიც დავუდე ბინა", - ამბობს ბელა report.ge-სთან.
გოგონამ ,,თოვლის გუნდა" მარტო არ დატოვა და თოვლის ბაბუასთან დაამეგობრა.
