ძალიან გთხოვ კიდევ ერთხელ, გაავრცელეთ მორბენალი სტრიქონით თითოეულმა ტელევიზიამ, რომ არ დამარცხებულა ჯერ პანდემია - ამის შესახებ დაავადებათა კონტროლის ეროვნული ცენტრის ხელმძღვანელმა განაცხადა.
ამირან გამყრელიძის თქმით, პანდემია მთელი მსოფლიოსთვის გამოწვევაა და მას მხოლოდ საქართველო ვერ დაამარცხებს.
"პანდემიას მარტო საქართველო ვერ დაამარცხებს. პანმდემია მთელმა მსოფლიომ ერთად უნდა დაამარცხოს და ამისთვის ერთადერთი იარაღი გვაქვს სოციალური დისტანცირება, პირბადე, ხელების ხშირი დაბანა და დამუშავება. მეტი ჯერ წამალი არ არის, ვაქცინა არ არის. გთხოვთ, ნუ მივეცემით თვითკმაყოფილებას, რომ საქარველომ თითქოს გაიმარჯვა კორონავირუსზე და შეგვიძლია ყველაფერი გავაკეთოთ – არა“,- განაცხადა ამირან გამყრელიძემ.
