„პრემიერ-მინისტრი „ჯიგრულ პონტშიც“ კი ვერ მეუბნება, გიორგი ნუ გეშინია, მაგარი ხელისუფლება ვართ და შენ არაფერი გემუქრებაო“,- ამის შესახებ განცხადება ჟურნალისტმა გიორგი გაბუნიამ გააკეთა.
მისი თქმით ინფორმაციის გახმაურების შემდეგ, რომ მის ლიკვიდაციას გეგმავდნენ, სახელმწიფო უწყებებიდან არავინ დაკავშირებია. მათ შორის გიორგი გაბუნიას ინფორმაციით, მასთან კომუნიკაცია არ ჰქონია საგამოძიებო ორგანოებს და მისთვის არავის უთქვამს ელის თუ არა მას კვლავ საფრთხე.
შეგახსენებთ, რომ გუშინ, "მთავარმა არხმა" გააკეთა განცხადება, რომლის მიხედვითაც იგეგმებოდა გიორგი გაბუნიას ლიკვიდაცია. მოგვიანებით აღნიშნულ საკითხზე ინფორმაცია სუს-მა გაავრცელა.
