"გირჩის" ლიდერი ზურა ჯაფარიძე, დღეს, 12 საათზე, პოლიციაში გამოკითხვაზე დაიბარეს. მასთან ერთად გამოკითხავენ ფიტნესცენტრ "რეფორმერის" მფლობელ გიორგი ფუტკარაძესაც.
ზურაბ გირჩი ჯაფარიძის თქმით, ის დაელოდება პროცედურას და ამის შემდეგ მიიღებს გადაწყვეტილებას თუ როგორ იმოქმედებს შემდეგში.
"ვნახოთ, რა უნდათ, გვეტყვიან დაკითხვაზე და ამის შემდეგ გადავწყვეტთ, როგორ ვიმოქმედოთ“, - განაცხადა ჯაფარიძემ.
აღსანიშნავია, რომ "რეფორმერში" თანამშრომლები კვლავ რჩებიან და შენობის დატოვებას არ აპირებენ.
შეგახსენებთ, რომ ფიტნესცენტრმა დაუმორჩილებლობა გამოაცხადა და დაწესებულ შეზღუდვებს არ დაემორჩილა.
დარბაზი პარტია „გირჩის“ ლიდერმა ზურა ჯაფარიძემ საცხოვრებელ ბინად იქირავა.
გვიან ღამით, "რეფორმერში" პოლიცია შევიდა.
