როგორც Report.ge-სთვის გახდა ცნობილი, გორში, 17 წლის გოგო პოლიციამ იპოვა და სახლში დააბრუნა.
გავრცელებული ინფორმაციით, გოგონა სახლიდან შეყვარებულთან გაიპარა.
გორის მუნიციპალიტეტში, ერთ-ერთ სოფელში მცხოვრები 17 წლის გოგონას ადგილსამყოფელის დადგენას ოჯახი ორი დღე ცდილობდა.
ოჯახის ვერსიით, გოგონა, სავარაუდოდ, ცოლად მოყვანის მიზნით გაიტაცეს.
როგორც Report.ge-ს შსს-ში განუცხადეს, მომხდარზე გამოძიება 143-ე მუხლის მე-3 ნაწილის "დ" ქვეპუნქტით დაიწყო, რაც დამნაშავისთვის წინასწარი შეცნობით, არასრულწლოვნის თავისუფლების უკანონოდ აღკვეთას გულისხმობს და ისჯება თავისუფლების აღკვეთით, ვადით 7-დან 10 წლამდე.