კლინიკა ,,ნეოლაბი" განცხადებას ავრცელებს და მოქალაქეებს აფრთხილებს.
,,კლინიკა ნეოლაბის სახელით ვრცელდება თაღლითური შეთავაზება იმის შესახებ, რომ კლინიკაში მისვლის და ტესტირების პროცედურის გარეშე შესაძლებელია კორონავირუსის PCR ტესტის პასუხის მიღება.
გთხოვთ, არ დაუჯეროთ მსგავს შეთავაზებას და კორონავირუსზე ტესტირების საჭიროების შემთხვევაში პირდაპირ მიმართოთ კლინიკას.
ჩვენის მხრივ, ვაწარმოებთ ამ საკითხის დეტალურ შესწავლას და ამ თაღლითობაზე კანონის ფარგლებში რეაგირებას", - აღნიშნულია კლინიკის მიერ გავრცელებულ განცხადებაში.
