გოგონა, რომლის დაბადების დღის წვეულებაზე დაწყებულ კონფლიქტის შემდეგ 19 წლის ფეხბურთელი გიორგი შაქარაშვილი დაიღუპა, ამბობს, რომ მომხდართან დაკავშირებით გულგრილობა გამოიჩინეს.
როგორც გოგონა ტელეკომპანია "პირველთან" ინტერვიუში ამბობს, ის არ აპირებს, ვინმეს ხელი დააფაროს.
"არ მინდა იმის თქმა, რომ მე არაფერ შუაში ვარ, რადგან შეიძლება ერთ ზარს შეეცვალა ბევრი რამე, თუნდაც 112-ში რომ დამერეკა ან რამე ეგეთი... გულგრულობაც იყო ჩვენი მხრიდან, ალბათ" - ამბობს გაბეჩავა.
ის იხსენებს, რომ აგარაკზე მომხდარი დაპირისპირებისას "გიორგი აშველებდა მათ და საბურთალოელების მხარეს იდგა".
"მე მადანაშაულებენ ყველაფერში, თითქოს ეს ყველაფერი წინასწარ დაგეგმილი იყო... ვერ წარმოვიდგენდი, რომ იქ მყოფ რომელიმეს მსგავსი რამის გაკეთება შეეძლო. არც ერთ მათგანს ხელს არ დავაფარებ და არ დავიცავ, ვინც დამნაშავეა ამ ყველაფერში" - ამბობს გაბეჩავა.
