თუ არ შეგვიშვებენ, ჩვენ მაინც შევდივართ აწეული ხელებით- ამის შესახებ განცხადება გურამ ფალავანდიშვილმა გააკეთა. „მართლმადიდებელ მშობელთა კავშირის” ლიდერი აცხადებს, რომ ფილმ And Then We Danced-ს ჩვენებას, მის თანამოაზრეებთან ერთად არ დაუშვებს. გურამ ფალავანდიშვილის განცხადებით ფილმის ჩვენების ჩასაშლელად გამოყენებული იქნება ყველა მშვიდობიანი გზა.
"გამოვაღებ კარს და გამოვრთავ ფილმს, არ დავუშვებ ფილმი, რომ დღეს კინო-თეატრებში გავიდეს. ფილმი, რომ კატების წამებაზე, იყოს ხომ ყველა დაირაზმებოდით? რატომ მიეჩვიეთ ჰომოსექსუალიზმის პროპაგანდას? ვინც დავრჩით ისინი მზად ვართ, რომ ეს აღვირახსნილი ფილმი ფართო საზოგადოებამ არ ნახოს. პიკეტირებას მოვახდენთ, თეატრის შესასვკლელში ჩავჯდები და არავის გავუშვებ. დამერწმუნეთ ძალიან ბევრი ვართ. ყველა კანონიერ გზას გამოვიყენებთ იმისათვის, რომ ეს ფილმი ხალხმა არ ნახოს. ჩვენი მხარდამჭერები მოდიან საქართველოს სხვადსხვა ქალაქებიდან. მარტო 1 500 კაცი სამეგრელოდან მოდის. ამ ფილმის გაშვება არის საშინელება,"-განაცხადა გურამ ფალავანდიშვილმა.
