მესამე პრეზიდენტის მიხეილ სააკაშვილის განცხადებით, გუშინ რუსთავის მე-12 პენიტენციურ დაწესებულებაში მან გონება დაკარგა.
"უნდა გამოვიყენოთ ყველა ტრიბუნა, მათ შორის ეს [სასამართლოს] ტრიბუნა. გუშინ არ დაგიმალავთ და ვიყავი ისეთ მდგომარეობაში, რომ გონება დავკარგე უბრალოდ. მეორედ უკვე მას შემდეგ, რაც ვარ პენიტენციურ სისტემაში, მაგრამ დილიდან დავლიე წამლები, მოვიკრიბე ძალები და მოვედი აქ იმისათვის, რომ შემეხედა თქვენთვის თვალებში, მომემართა თქვენთვის, ქართული საზოგადოებისთვის", - თქვა სააკაშვილმა.
