გონიოში მსუბუქი ავტომობილი მოზარდს დაეჯახა. არსებული ინფორმაციით, 12 წლის გოგო, ახალსოფლის სკოლის მიმდებარედ ქუჩაზე გადადიოდა.
თვითმხილველების თქმით, სწრაფად მოძრავმა ავტომობილმა დამუხრუჭება ვერ მოახერხა.
ბათუმის სასწრაფო-სამედიცინო დახმარების ცენტრში ამბობენ, რომ 12 წლის გოგოს ქალა-ტვინის დახურული დაზიანებები აღენიშნებოდა, ის ბათუმის დედათა და ბავშვთა ცენტრში გადაიყვანა. მათივე განმარტებით მოზარდი კონტაქტური იყო.
როგორც report.ge-ს შინაგან საქმეთა სამინისტროში უთხრეს, აღნიშნულთან დაკავშირებით საგამოძიებო მოქმედებები მიმდინარეობს.
გამოძიება 276-ე მუხლის მეორე ნაწილით დაიწყო. ისჯება თავისუფლების აღკვეთით ვადით ხუთ წლამდე.
შორენა სურმანიძე
ავტორი