იუსტიციის უმაღლესი საბჭო დღეს სხდომას გამართავს.
საბჭოს წევრები ორ საკითხზე იმსჯელებენ. მათ შორის ერთ-ერთი, უზენაესი სასამართლოს მოსამართლეების შერჩევის პროცესთან დაკავშირებით საქართველოს სახალხო დამცველის სპეციალური ანგარიშის განხილვას გულისხმობს.
სხდომაზე უზენაესი სასამართლოს მოსამართლის თანამდებობაზე ასარჩევად პარლამენტისთვის წარსადგენ კანდიდატთა შერჩევის პროცედურაში მონაწილე პირების კანდიდატად რეგისტრაციის შესახებაც იმსჯელებენ. საბჭო გადაწყვეტს, ვის უნდა მიენიჭოს უზენაეს სასამართლოში არსებულ ერთ ვაკანსიაზე დასანიშნად, საბჭოში შესულ განაცხადებს შორის კანდიდატის სტატუსი.
სხდომა 15:00 საათზეა ჩანიშნული.
შორენა სურმანიძე
ავტორი