აჭარაში კორონავირუსზე 977 ლაბორატორიული კვლევა ჩატარდა და ყველა შედეგი უარყოფითია. ამის შესახებ ინფორმაციას აჭარის ჯანდაცვის სამინისტრო ავრცელებს.
უწყების ცნობით, ცხელების კლინიკებში მოთავსებულია 45 პირი, მათი კვლევის პასუხები ხვალ გახდება ცნობილი.
ჯამში აჭარაში კორონავირუსზე PCR ტესტი ჩაუტარდა 35 067 პირს.
დღეს არსებული მონაცემებით კარანტინში იმყოფება 2 092 პირი. კარანტინი დატოვა 12 128-მა პირმა.
