ახალციხელი გოგო მსოფლიოს ერთ-ერთი საუკეთესო კლინიკის თანამშრომელია. ლელა ოქრომელიძე აშშ-ში, კლინიკა მაიოში (Mayo Clinic College of Medicine and Science) მოლეკულური ნეირომეცნიერების სამეცნიერო-კვლევითი ლაბორატორიის გუნდის წევრი, რადიოლოგიის დეპარტამენტის ექიმი-სტაჟიორი და ჰარვარდის უნივერსიტეტის სტუდენტია. ინფორმაციას ამის შესახებ ახალციხის მუნიციპალიტეტის მერია ავრცელებს.
მაიოს კლინიკა Dr. William Worrall Mayo-მ დაახლოებით, 150 წლის წინ დააფუძნა, რომელსაც მოგვიანებით მისი ვაჟები Dr. William J.Mayo და Dr. Charles H.Mayo ხელმძღვანელობდნენ.
კლინიკა დღემდე ნომერ პირველ სამედიცინო დაწესებულად ითვლება აშშ-სა და მთლიანად მსოფლიოში.
