„სხვისი ჭირი - ღობეს ჩხირი“ - ასე გგონიათ ხომ? ეს ყველას ტკივილი და მწუხარებაა, კიდევ ერთხელ მოგიწოდებთ, უმორჩილესად გთხოვთ, ინფიცირებული პაციენტები ნუ დადიხართ ქუჩა-ქუჩა. დაეტიეთ სახლში! - ამის შესახებ სოიალურ ქსელში ექიმმა მაკა ბულეიშვილმა დაწერა.
მისი თქმით, ახლა უმძიმესი პერიოდია და ხედავს, რომ ექიმები პაციენტების ნაწილს ვეღარ დაეხმარებიან. ბულეიშვილი საზოგადოებას ვაქცინაციისა და ნიღბის ტარებისკენ მოუწოდებს.
"უკიდურესად მძიმე მდგომარეობაშია მედპერსონალი, ვეღარ შეძლებენ თქვენს დახმარებას. ახლა გულგრილობის დროა? ახლა დროსტარების დროა? რას ფიქრობთ, რას? ყველაფერი ისევ ჩვენს ხელშია... დღეს ვიტირე, უნებლიედ ვიტირე, ვხედავ, რომ ვეღარ შევძლებთ თქვენს დახმარებას! თითოეული თქენთაგანი უძვირფასესია! სიცოცხლემ უნდა აჯობოს ამ ჯოჯოხეთს! გთხოვთ, დაიცავით რეკომენდაციები! გთხოვთ, ატარეთ ნიღაბი! გთხოვთ, დაუყოვნებლივ ჩაერთეთ ვაქცინაციის პროცესში! უნდა გადავლახოთ ეს უმძიმესი პერიოდი. როგორ? როგორ და უნდა ვიბრძოლოთ და დავუდგეთ ერთმანეთს გვერდში. სხვა გამოსავალი არაა!" - წერს ექიმი.
