იმერეთის სამხარეო პოლიციასთან მიმდინარე აქციაზე ხმაური და დაპირისპირება იყო. ერთმანეთს აქციის მონაწილეები და სამართალდამცველები დაუპირისპირდნენ.
დაპირისპირება მას შემდეგ დაიწყო, რაც აქციის მონაწილეებმა სამხარეო პოლიციის შენობიდან გამოსული ავტომობილების შეჩერება სცადეს და გზა გადაკეტეს.
როგორც აქციაზე შეკრებილები აცხადებენ, იქამდე არ გაჩერდებიან, ვიდრე უდანაშაულოდ დაკავებულ მოქალაქეებს არ გაათავისუფლებენ.
