ინფექციურ საავადმყოფოში მოთავსებული 11 პაციენტის ტესტის პასუხი უარყოფითია. მათ ლაბორატორიულად კორონავირუსი არ დაუდასტურდათ. ისინი კლინიკას დღეს ეტაპობრივად დატოვებენ. როგორც ინფექციური საავადმყოფოს კლინიკურმა ხელმძღვანელმა მარინა ეზუგბაიამ განაცხადა, მედპერსონალი კიდევ 11 პირის ანალიზის პასუხს ელოდება. ამ დროისთვის კლინიკაში რჩება 46 პაციენტი. რაც შეეხება კორონავირუსით დაავადებულ პაციენტებს, მარინა ეზუგბაიას თქმით მათი ჯანმრთელობის მდგომარეობა დამაკმაყოფილებელია.
