თავში

USAID/Georgia თაღლითური სქემის შესახებ ინფორმაციას ავრცელებს

USAID/Georgia თაღლითური სქემის შესახებ ინფორმაციას ავრცელებს

USAID/Georgia თაღლითური სქემის შესახებ ინფორმაციას ავრცელებს და მოქალაქეებს აფრთხილებს მსგავსი ფაქტის დაფიქსირების შემთხვევაში შეატყობინონ ორგანიზაციას.

„ბოლო დროს გახშირდა USAID-ის ლოგოს გამოყენებით, თაღლითური გზით, საქართველოს მოქალაქეებისგან ფულის გამოძალვის შემთხვევები. ვგმობთ მსგავს ფაქტებს და სათანადო ორგანოებთან ერთად ვმუშაობთ ამ პრობლემის გადაჭრაზე. გთხოვთ დაუყონებლივ შეგვატყობინეთ, თუ USAID-ის სახელით დაგიკავშირდნენ და გთხოვეს თანხის გადარიცხვა. გახსოვდეთ – ეს თაღლითური სქემაა“, – ნათქვამია USAID/Georgia-ს მიერ გავრცელებულ ინფორმაციაში.

განცხადებას სოციალურ ქსელში ავრცელებს საქართველოში ამერიკის შეერთებული შტატების საელჩოც და მოქალაქეებს მოუწოდებს არ დათანხმდნენ ამერიკის მთავრობის სახელით ვინმესთვის თანხის გადარიცხვას.

„თუ USAID/Georgia-ს ლოგოს გამოყენებით ან ამერიკის მთავრობის სახელით ვინმე თანხის გადარიცხვას გთხოვთ, არ დათანხმდეთ და, გთხოვთ, შეგვატყობინოთ მსგავსი შემთხვევების შესახებ“, – ნათქვამია საელჩოს მიერ გავრცელებულ განცხადებაში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system