თბილისში, „სადგურის მოედნის“ მიმდებარე ტერიტორიაზე მამაკაცი დაშავდა. ის ე.წ მიწისქვეშა ბაზრობის შენობაში ჩავარდა, რომლის სახურავი გზას უერთდება. სწორედ ამ სახურავის გადაკვეთაც ცდილობდა დაშავებული, რა დროსაც სახურავი ჩაინგრა და მამაკაცი ბაზრობის ტერიტორიაზე აღმოჩნდა.
თვითმხილველების ინფორმაციით, მამაკაცმა დაზიანებები მიიღო და ის სასწრაფო სამედიცინო დახმარების ბრიგადამ უახლოეს კლინიკაში გადაიყვანა.
„ჩვენი ბაზრობის სახურავზე ადამიანები ხშირად მოძრაობენ, რადგან მოკლე გზით მიდიან თავიანთ სახლებში. ეს სახურავი არის ძალიან სუსტი, რის გამოც ადამიანები ხშირად ვარდებიან სახურავიდან. რამდენიმე კვირის წინ, ჩვენს სახურავზე მოძრავი ბავშვი ლამის თავზე დაგვეცა,“- აცხადებს ბაზრობის მოვაჭრე.
Report.ge-ს სასწრაფო სამედიცინო დახმარების ცენტრში განუცხადეს, რომ პაციენტი ალადაშვილის სახელობის კლინიკაში თავის ტრავმის დიაგნოზით გადაიყვანეს.
გვანცა ჭანტურია
ავტორი