ირანის მეჯლისის დეპუტატი ქვეყნიდან ბრიტანეთის ელჩის გაძევებას ითხოვს. დეპუტატი აღნიშნულის მიზეზად ანტისამთავრობო აქციაში რობ მაქეირის მონაწილეობას ასახელებს.
„შემდეგ ელჩს ეცოდინება კანონები და იმედია, პატივს სცემს დიპლომატიურ კრიტერიუმებს“, – განაცხადა ალაედინ ბორუჯერდიმ.
შეგახსენებთ, ირანში ბრიტანეთის ელჩი რობ მაქეირი, გუშინ თეირანში „აქციის წახალისების“ მოტივით, რამდენიმე საათით დააკავეს. თავად ელჩი აცხადებს, რომ ის აქციაში არ მონაწილეობდა.
„შემიძლია, დავადასტურო, რომ მე არანაირ დემონსტრაციაში არ ვმონაწილეობდი. მივედი დაანონსებულ სამგლოვიარო ცერემონიაზე, რომელიც ირანში ჩამოგდებულ უკრაინულ ავიახაზების მგზავრების ხსოვნას ეძღვნებოდა. ბუნებრივია რომ ასე მოვიქეცი, მსხვერპლთა შორის ხომ ბრიტანეთის რამდენიმე მოქალაქეც იყო. მას შემდეგ, რაც ღონისძიებაზე ყვირილი დაიწყეს, მე ტერიტორია დავტოვე“, – წერს ელჩი „ტვიტერზე“.
2/2
— Rob Macaire (@HMATehran) January 12, 2020
Detained half an hour after leaving the area. Arresting diplomats is of course illegal, in all countries. See comments by Foreign Secretary @DominicRaab. https://t.co/djpr99iSwI