ალერგოლოგ-იმუნოლოგის ბიძინა კულუმბეგოვის თქმით, ვაქცინაცია უშვილობას არ იწვევს.
ექიმი განმარტავს, რომ არათუ თანამედროვე ვაქცინებია უსაფრთხო ამ კუთხით, არამედ არც არასდროს არსებობდა ისეთი ტიპის ვაქცინა, რომელიც ამგვარ პრობლემებს წარმოქმნიდა.
"არ არსებობს დედამიწის ზურგზე ვაქცინა ისტორიულადაც და არც მიმდინარე პროცესში, რომელსაც შეუძლია შვილოსნობაზე და ფერტილობაზე რაღაც პრობლემა შეუქმნას ადამიანს. თითქმის ყველა ვაქცინა არის შესწავლილი ცხოველებზე, სხვანაირად ადამიანებზე ცდა არ იწყება და როცა ამბობენ, რომ ექსპერიმენტულია ეს ვაქცინები არის აბსოლუტურად ტყუილი", - განაცხადა კულუმბეგოვმა ტელეკომპანია "ფორმულას" ეთერში.
