თბილისის მერი კახა კალაძე საინიციატივო ჯგუფის წევრებს მადლობას უხდის. "დავეხმაროთ მოხუცებს" -ასე ჰქვია ჯგუფს, რომელმაც სოციალური აქტივობა "ფეისბუქში" დაიწყო, მოაგროვა საკვები და 600-მდე მოხუცებულს დახმარება გაუწია. კახა კალაძის თქმით დღეს წითელ ჯვართან გაფორმდება მემორანდუმი, რომელიც გადაამზადებს მოხალისეთა ჯგუფს, რომელიც ჩაერთვება მსგავს აქტივობებში.
მისივე თქმით ბიზნესმენები უკავშირდებიან მერიას და გამოთქვამენ სურვილს, რომ გაუწიონ დახმარება მოხუცებს და სოციალურად დაუცველებს. კახა კალაძის განცხადებით მერია უზრუნველყოფს მოხალისეების ჩართვას ამ პროცესში, რომ თითოეულმა ადამიანმა ვისაც ამის საჭიროება აქვს საკვები მიიღოს სახლში.
