წყალტუბოს მუნიციპალიტეტის სოფელ რიონში ხანძარი გაჩნდა.
არსებული ინფორმაციით, დაუდგენელმა პირებმა ცეცხლი ძმების მკვლელობის გამო დაკავებულის სახლს წაუკიდეს.
როგორც report.ge-ს საგანგებო სიტუაციების მართვის სამსახურში განუცხადეს, მეხანძრე-მაშველებმა ხანძრის ლიკვიდირება დროულად შეძლეს. შემთხვევის შედეგად არავინ დაშავებულა.
მომხდარზე შინაგან საქმეთა სამინისტრომ გამოძიება დაიწყო.
შეგახსენებთ, წყალტუბოს მუნიციპალიტეტის სოფელ რიონში ორი მამაკაცის მკვლელობის ფაქტზე მათი ბიძაშვილი დააკავეს.
