თბილისში, ბუხაიძის 14 ნომერიში ხანძარია.
როგორც თვითმხილველი report.ge-ს უყვება, ოთხსართულიან სახლში, ხანძარი მესამე სართულზე, სარეცხ მანქანას გაუჩნდა, ხოლო შემდეგ ცეცხლი მეოთხე სართულზეც გავრცელდა. ხანძრის ქრობის დროს საცხოვრებელი სახლის მეოთხე სართულის იატაკი ჩამოინგრა. თვითმხილველის თქმით, ხანძრის გაჩენის მიზეზი გაუმართავი ელექტროგაყვანილობაა.
როგორს საგანგებო სიტუაციების მართვის სამსახურში report.ge-ს განუცხადეს ბუხაიძის ქუჩაზე, იტალიური ეზოს ტიპის სახლში იყო გაჩენილი ხანძარი. ცეცხლი ლოკალიზებულია და მიმდინარეობს სალიკვიდაციო სამუშაოები. მათივე ცნობით, დაშავებული არავინ არაა. ადგილზე 8 სახანძრო-სამაშველო ეკიპაჟია მობილიზებული.
