ხანძარი სოფელ ნაკიეთში-ონის მუნიციპალიტეტში ჩიხრაძეების კუთვნილი საცხოვრებელი სახლი დაიწვა. ცეცხლი იმდენად სწრაფად გავრცელდა, რომ ოჯახმა საყოფაცხოვრებო ნივთების გამოტანაც კი ვერ მოასწრო. დაშავებული არავინ არის.
ინფორმაცია report.ge-ს საგანგებო სიტუაციების სამსახურში დაუდასტურეს. უწყების ცნობით ადგილზე მისულ მეხანძრეებს ღია ცეცხლი დახვდათ, ხანძარი მთელს სახლს იყო მოდებული. ცეცხლს 4 სახანძრო მანქანა აქრობდა.
ხანძრის გამომწვევი მიზეზი ამ ეტაპისთვის უცნობია.
მიმდინარეობს გამოძიება.
გვანცა ჭანტურია
ავტორი