ქალი, რომელიც დღეს ახალქალაქში ხიდიდან გადახტა, ყოფილი მაჟორიტარის, ენზელ მკოიანის ძმის მეუღლეა.
ყოფილი პარლამენტარი ამბობს, რომ მომხდარი სახელმწიფოს მხრიდან მათ ოჯახზე განხორციელებულ ზეწოლას უკავშირდება.
გარდაცვლილი ახალქალაქის N4 საჯარო სკოლის პედაგოგი იყო.
ცნობისთვის, 50 წლის ქალი დღეს ახალქალაქში, ყოფილ სამხედრო დასახლებასთან, ხიდიდან გადახტა. იგი ადგილზე გარდაიცვალა.
როგორც შინაგან საქმეთა სამინისტროში report.ge-ს განუცხადეს, მომხდარზე გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
