რამდენიმე წუთის წინ თბილისი-ზუგდიდის მიმართულებით მოძრავი მატარებელი 60 წლამდე ასაკის ქალს დაეჯახა. უბედური შემთხვევა ხობის მუნიციპალიტეტის სოფელ ნოჯიხევში, სარკიინიგზო მონაკვეთზე მოხდა.
ქვეითი მდინარე ხობისწყლის სალიანდაგე ხიდზე გადადიოდა. შეჯაეხბის შედეგად ის ადგილზე გარდაიცვალა და მდინარეში გადავარდა.
ადგილზე მობილიზებულია პოლიციის, ასევე სასწრაფო დახმარებისა და სამაშველო სამსახურის ჯგუფები. მაშველები ცხედარს მდინარე ხობისწყალში ეძებენ.
თვითმხილველების თქმით, ქალი სავარაუდოდ, სმენადაქვეითებული იყო, რადგან მას მემანქანის საყვირის ხმაზე რეაქცია არ ჰქონია. ხიდზე აღმოჩენილია გარდაცვლილის კუთვნილი ხელჩანთა, რომლის დოკუმენტაციის მიხედვითაც, ის იდენტიფიცირებულია.
დისპეჩერის თქმით, მას მომხდარის შესახებ მემანქანემ აცნობა:
"გავუშვი მატარებელი და ცოტა ხანში მემანქანემ დამირეკა, ქალი მოვკალიო. მდინარე ხობისწყლის ტერიტორიაზე მოხდა ეს უბედური შემთხვევა, სხვა დეტალი ჯერ არ ვიცი" - განაცხადა დისპეჩერმა.
როგორც Report.ge-ს შინაგან საქმეთა სამინისტროსი განუცხადეს, საქმეზე გამოძიება სისხლის სამართლის კოდექსის 275-ე მუხლის მე-4 ნაწილით მიმდინარეობს.
