ხობის მუნიციპალიტეტის სოფელ შუა ხორგაში ავტოსაგზაო შემთხვევა მოხდა. მოზარდს, რომელიც ქვეითად გადაადგილდებოდა, თბილისი-სენაკი-ზუგდიდის ცენტრალური ავტომაგისტრალის შუა ხორგას მონაკვეთზე ავტომობილი დაეჯახა.
დაშავებული სასწრაფო დახმარების ბრიგადამ ხობის რაიონულ საავადმყოფოში გადაიყვანა. მოზარდი საავადმყოფოში მიყვანისთანავე გარდაიცვალა.
ცხედარი ქუთაისის სამხარაულის სასამართლო-სამედიცინო ექსპერტიზის ბიუროში გადაასვენეს.
შსს-ს ინფორმაციით, გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
