საქართველოში კორონავირუსისგან გამოჯანმრთელებულების რიცხვს კიდევ ერთი პაციენტი დაემატა. დღის მეორე ნახევარში ციფრი 6 ადამიანით გაიზარდა და 45-ს მიაღწია, ახლა კი ცნობილი ხდება, რომ COVID-19 კიდევ ერთმა პაციენტმა დაამარცხა. ამ დროისთვის არსებული მონაცემებით კორონავირუსისგან 46 პაციენტი გამოჯანმრთელდა.
უცვლელი რჩება ინფიცირებულების რიცხვი. stopcov.ge-ზე გამოქვეყნებული ინფორმაციის თანახმად კორონავირუსით საქართველოში 195 ადამიანია ინფიცირებული.
