საქართველოში კორონავირუსის 314 ახალი შემთხვევიდან ყველაზე მეტი აჭარაში გამოვლინდა, - ამის შესახებ ინფექციური საავადმყოფოს ბოქსირებული განყოფილების ხელმძღვანელმა განაცხადა.
მარინა ენდელაძის თქმით, აჭარის შემდეგ ინფიცირებულთა როდენობით დედაქალაქი ლიდერობს.
„დაემატა 314 ახალი პაციენტი. კვლავ ლიდერობს აჭარა 72%-ით, ეს არის 225 შემთხვევა, თბილისში არის 9% – 35 პაციენტი, იმერეთში 22 შემთხვევა, სამეგრელო ზემო-სვანეთში -18, შიდა ქართლში – 9, სამცხე ჯავახეთში – 3, გურიაში –1, ქვემო ქართლში – 1“, – განაცხადა ენდელაძემ.
ცნობისთვის, საქართველოში კორონავირუსით კიდევ 1 პაციენტი გარდაიცვალა. სულ ქვეყანაში კორონავირუსით გარდაცვლილია 33 ადამიანი.
საქართველოში კორონავირუსის 314 ახალი შემთხვევა გამოვლინდა და ინფიცირებულთა რაოდენობა 5866-მდე გაიზარდა.
გამოჯანმრთელებულთა რიცხვი ბოლო 24 საათში 270-ით გაიზარდა და 2324 გახდა.
სალომე კაპანაძე
ავტორი