ტელეწამყვანი და მსახიობი შორენა ბეგაშვილი „რუსთავი 2- ზე" ახალი გადაცემით დაბრუნდა.
,,შორენას ეფექტი" ეთერში გუშინ, 30 სექტემბერს გავიდა.
გადაცემა შორენა ბეგაშვილის ემოციური მონოლოგით დაიწყო.
„შენ ალბათ თოჯინა გგონივარ, შინაარსის გარეშე - კარგი. მე ერთი რუსთაველი გოგო ვარ, როდესაც ჩემ თავს სარკეში ვუყურებ, მახსენდება პატარა შავი გოგო, რომელიც ყოველ დილით ოცნებობდა კრემიანი ტორტის ნაჭერზე, ბრჭყვიალა ფეხსაცმელებზე და ლამაზ კაბებზე. მე ღარიბი ქალაქის განაპირა უბანში ვცხოვრობდი.... მამა მეტალურგი, მეტალურგთა ქალაქში, როცა ქარხანა გაჩერდა, უფუნქციოდ დარჩა და მისი გულიც გაჩერდა... დავრჩით მე, დედა და ჩემი და. მამას შავი გოგო ოჯახის მარჩენალი გახდა“, - ჰყვება შორენა ბეგაშვილი.
